MSANII wa muziki wa kizazi kipya Mwana FA, ameamua kufunguka na kumtaka producer wa studio ya Combination Sounds, Man Water kuacha mara moja kufanya muziki kwa ku copy staili zake kwani kamwe hawezi kuwa kama yeye na endapo akiendelea ina maana kwamba anakubali sana staili zake.
Kuna ngoma moja ya Man Water ambayo ni mpya kabisa inadaiwa kuwa staili alizotumia ni za Mwana FA, huku baadhi ya mistaili ya kazi hiyo ikiwa inawaponda baadhi ya wasanii ambao hawajawahi kufanya kazi katika studio yake.
Mwandishi wa DarTalk, alifanya mazungumzo mafupi na Mwana FA ili kujua anazungumziaje ishu hiyo lakini kwa upande wake alidai kuwa hana haja ya kumkatisha tamaa katika safari yake ya muziki lakini ana msihi kuacha kutumia staili yake.
Alisema kuwa kitendo cha staili moja kutumiwa na watu wawili hakileti maana lakini kwa namna moja ama nyingine anaamini producer huyo anazikubali kazi zake na ndiyohmaana ameamua kutumia staili zake lakini bado hajafikia.
“Kama hana kitu kingine cha kufanya ni bora asifanye muziki, na kama ataendeleahkutumia staili zangu ni wazi kwamba ananikubali sana ingawa kamwe hawezi kufikiahkiwango changu hata afanye nyimbo kiasi gani mimi Mwana FA kitambo kwenye game,” alisema.
Hata hivyo msanii huyo aliongeza kuwa kutokana na kitendo cha producer kushindwa kutambua anafanya muziki wa aina gani, anaamini wazi kuwa hata kazi zake nyingi zitakuwa za ubabaishaji.
Man Water mwenyewe alifunguka kuwa hajatumia staili za mtu yeyote bali wanajisifia kuwa amechukua staili ni wazi kwamba wanataka kuleta mzozo na meneno mtaani ili nao wanaonekana wajua kufanya muziki, na kuhusu kuwaponda baadhi ya wasanii alishindwa kuweka wazi na kudai kuwa anajihisi kusemwa ajitokeze.
.webp)
