Yule Tapeli wa Ajira za Kazi Akamatwa Baada ya Kuwaliza Wengi

BAADA  ya  watanzania wa kada  mbali mbali  kutapeliwa kwa njia mbali mbali hasa  kupitia mawasiliano ya  simu hatmaye mtuhumiwa  mkuu  wa vitendo vya utapeli nchini ambae anamiliki majina zaidi ya  matatu kwa  kutapelia watu amekamatwa jijini Dar es Salaam.

Mtuhumiwa  huyo ambae anamiliki majina  zaidi ya matano amekuwa akitapeli  watu wa kada mbali mbali wakiwemo  wanahabari, walimu na hata  wafanyakazi  wa Hoteli na  watu wengine  wengi leo amekamatwa  eneo la Uwanja  wa Ndege  jijini Dar es Salaam  baada ya mtego kabambe  uliowekwa na mmoja kati ya  wanawake  waliotapeliwa ambae  ni mfanyakazi  wa Hoteli moja maarufu jijini Dar es Salaam (jina  limehifadhiwa)

Mfanyakazi  huyo wa Hoteli ameueleza mtandao huu  wa  www.francisgodwin.blogspot.com  leo kuwa  yapata  siku  mbili  zilizopita  tapeli huyo ambae  alijitambulisha kwa  jina la Kevin alimpigia simu na  kuwa amepata  taarifa  kutoka kwa  mwalimu  wake wa chuo  cha Hoteli na utalii kama anatafuta  kazi nje ya Hoteli hiyo  hivyo yeye ni meneja  wa  Hoteli ya Flamingo hivyo yupo  tayari  kumpa ajira  katika  Hoteli  hiyo na kama anaowezake kama  watano awaeleze kuwa nafasi ipo.

Imedaiwa  kuwa  Kevin kama alivyojiita katika utapeli huo baada ya  dakika  chache  alimpigia tena  simu  mwanamke  huyo na  kumtaka siku ya pili  wakutane katika Hoteli  hiyo ya Flamingo ili awaonyeshe mazingira ya  Hoteli  hiyo na kujua nini  cha kufanya  .

Hata  hivyo  mara  baada ya  kufika  siku  iliyopangwa kama  walivyoahidiwa  aliwataka  kila  mmoja  kutoa fedha  kiasi  cha shilingi 30,000 kwa ajili ya  kushonewa sare za Hoteli hiyo sare ambazo zingekuwa ni mali yao kutokana na wafanyakazi wengi  kuwa na tabia ya  kukimbia na sare  sasa  wameamua kila anayefika  kuomba kazi awe na  sare yake toka nyumbani kwake.

Alisema  kuwa  baada ya  kutoka kiasi hicho cha  fedha yeye pamoja na  mwenzake mmoja tapeli huyo aliwataka  kukaa nje ya  Hoteli hiyo  ili afanye mawasiliano na mkurugenzi ndipo awaite ofisini na baada ya hapo kweli aliingia ofisini ila jinsi alivyotoka haikufahamika na  wao kujikuta  wanakaa hadi saa 12 za jioni  bila mtu  kuonekana na kuamua kuuliza kwa  wahusika na ndipo  walipobaini  kutapeliwa baada ya  kuambiwa hakuna ajira  mpya  zilizotangazwa   hapo na kuwapa utaratibu wa ajira  unavyotumika  kutangazwa katika Hoteli hiyo.

Kutokana na  kulizwa  kiasi hicho cha  pesa kitu cha 60,000 kwa  wawili ndipo usiku alipompigia  simu tapeli huyo na  kujifanya akiulizia majibu kwa madai kuwa  jana alipatwa na msiba hivyo aliondoka mapema zaidi .

"Kweli  baada ya  kumpigia simu tapeli alionekana  kuwa mkali  zaidi  kuwa ni mambo gani nimefanya  yeye  alitoka  kujua  kutufuata  hakukututa hivyo akataka  kujua  lini  nitakuwa tayari  kufika ili nianze kazi...na ndipo  nilipomwomba nafasi yangu nimpe mtu mwingine mimi nilidanganya  kuwa  nitachelewa  kurudi ....ila bila kujua nilikuwa namtega alikubali na  kusema nimpe namba za  huyoa atakayechukua nafasi yangu na  wengine  wawili kama  wapo...na hapo ndipo nilipoweka mtego na leo tumemkamata"

Tapeli  huyo amekuwa akijiita  majina mbali mbali likiwemo la Abdalah Mkwachu, Aman  kwa namba  hizi 0713094986,07162404425
Pia inadaiwa  ndie  aliyepata  kutapeli  watu kupitia ajira  hewa za TGNP kwa kutumia jina la   Lilian Dihalo,  mwenye namba za simu 0717-196386  ila pia  inasadikika ndie aliyewaliza  wanahabari wengi nchini  kupitia  jina  la Zuhura Kambangwa.

Mbali ya  makundi hayo  tapeli huyo anadaiwa  kuwatapeli   walimu na  watu mbali mbali maarufu nchini kwa  sasa anashikiliwa na jeshi la  polisi.