G-NAKO ATOA SABABU ZA NGOMA ZA HIP-HOP KUTOKA KU-HIT HARAKA

Msanii wa Hip Hop kutoka katika kampuni ya Weusi G.Nako, amesema nyimbo nyingi za Hip Hop zinashindwa kuhit mapema kutokana na mashairi yake kuhitaji watu wafikiri zaidi ili waelewe pamoja na lugha ya picha ambazo hutumika.

Akizungumza na Bongo5 leo G.Nako alisema kuwa nyimbo nyingi za wasanii wa Hip Hop zinachukuwa zaidi ya mwezi mmoja hadi miwili,ili kufanya vizuri katika radio na vyombo vingine vya habari kutokana mapokeo na utunzi wake ambao watu wanahitaji kufuatilia na kuisikiliza kwa makini.

“Nyimbo nyingi za Hip Hip zinachukuwa muda mrefu sana kufanya poa kutokana nyimbo nyingi za Hip Hop zinaeleza ukweli na maisha halisi, kwahiyo inahitaji mtu atumie muda mwingi kufakari tungo. Nyimbo hizi zinaendaga kiundani zaidi ,unahitaji usikilize sana ufuatilie ili uewelewe nini anakizungumzia msanii,” amesema rapper huyo.

“Nyimbo zangu nyingi au za Weusi zinachukuwa muda mrefu watu mpaka kizielewa lakini nyingi zimekuwa zikifanya poa kutoka na mashairi ambayo yanazifanya nyimbo zetu zidumu muda mrefu.”

-Bongo5.com