KAULI YA IVO MAPUNDA KUHUSU TETESI ZA KUSAJILIWA NA SIMBA

Ivo Mapunda ambae ni kipa wa sasa wa timu ya taifa akiwa amechukua headlines za karibuni kutokana na alichofanya kwenye mashindano CECAFA, amezungumza kuhusu stori nyingi Magazetini Tanzania kwamba amejiunga na club ya Simba tayari huku mengine yakisema amejiunga kwa Rav 4.
Kwenye Sports Extra ya Clouds FM, Ivo amesema ‘sijaona karatasi yoyote ambayo inanifanya mimi niweke saini yangu au kuongea na kiongozi yeyote wa Simba mpaka sasa ila tumekua tu tukiongea kwa simu kwamba watakuja lakini bado hatujakaa meza moja kuongea’
Ivo ambae amekua akicheza soka la kulipwa huko Kenya hivi karibuni, kwenye sentensi ya pili anasema ‘Mpira ndio kazi yangu, ndio maisha yangu, sehemu yoyote ile nitakua tayari kama tutakubaliana vizuri hasa kwenye maslahi… popote mimi nacheza’
Jibu alilolitoa baada ya kuulizwa kama ni kweli ameongezewa mkataba wa mwaka mmoja na club yake ya Gor Mahia ya Kenya ni hili…. >>> ‘hapana, bado ila nimetoka kuongea na kiongozi wa club ameniambia tukimaliza mechi kesho ndio tukae tuongee, mimi nakaribisha mazungumzo kwa club yoyote ile ambayo itahitaji niichezee, itakayoonekana ina maslahi ndio nitajiunga nayo’