Taifa Stars ikiwa ugenini katika dimba la Taifa la Zimpeto nje kidogo ya jiji la Maputo imetandikwa mabao 2-1 katika mchezo wa marudiano wa kuwania kupangwa hatua ya makundi ya kusaka tiketi ya AFCON mwakani.
Katika Mechi ya kwanza iliyopigwa wiki mbili zilizopita jijini Dar es salaam, vijana wa Mholanzi, Mart Nooij walitoka sare ya mabao 2-2 na leo hii walihitaji kupata ushindi wa aina yoyote ile au sare ya kuanzia mabao 3-3.
Matokeo ya jumla baada ya mechi mbili, Msumbiji wamefanikiwa kufunga mabao 4 na Taifa stars matatu, hivyo vijana wa Nooij kutupwa nje ya michuano kwa wastani wa mabao 4-3.
Msumbiji walikuwa wa kwanza kuandika bao la kuongoza dakika za mwisho za kipindi cha kwanza kupitia kwa Josimar Tiago Machaisse, lakini Mbwana Ally Samatta akaisawazishia Stars katika dakika ya 77.
Dakika ya 83, kiungo mshambuliaji wa Msumbiji, mzoefu, mwenye ujanja mwingi wa kupiga chenga na kumiliki mpira, Elias Gasper Pelembe aliifungia ‘Domingues’ Msumbiji bao la pili na la ushindi.
Kihistoria Msumbuji wamemekuwa wababe wa Taifa Stars inapofika michezo ya mtoano, hasa kufuzu mataifa ya Afrika.
Mwaka 2007 Stars chini ya kocha Mbrazil, Marcio Maximo ilifungwa bao 1-0 katika mchezo wa mwisho jijini Dar es salaam kuwania kucheza fainali za mataifa ya Afrika mwaka 2008 nchini Ghana na ingeshinda ingefuzu.
Bao pekee la Msumbiji lilifungwa dakika ya za mapema kipindi cha kwanza na aliyekuwa nahodha wake, Tiko Tiko akiunganisha kwa kichwa krosi nzuri iliyochongwa kutoka winga ya kulia na Elias Pelembe.
Mwaka 2012 Taifa stars ilitolewa tena na Msumbiji kwa changamoto ya mikwaju ya penati katika mchezo wa kuwania kucheza fainali za kucheza fainali za mataifa ya Afrika mwaka 2013 nchini Afrika kusini.
Hatua hii ilifikia baada ya timu hizo kutoka sare ya bao 1-1 jijini Dar es salaam na kupata matokeo kama hayo mjini Maputo.
Kwahiyo Msumbiji bado wameendelea kuwa wababe wa Tanzania katika michezo ya mtoano.
Poleni sana Taifa Stars, Poleni Watanzania wote. Mipango mipya inatakiwa kuwekwa.
Source:shaffihdauda.com
.webp)
.jpg)
Tanzania mpira hatuuwezi inashangaza nchi ya watu milioni 45 tunakosa watu 11 wa kutuwakilisha uwanji mi naona ni bora tuwekeze kwenye taarabu ni bao huenda tutatoka
ReplyDeleteMe naona asa hivi wachezaji hatuna.. hamasa ni kubwa kuliko enz za akina lunya, said mwamba, hussein marsha, bakari malima na wakali wengineo.. walikua fit physically na mentaly but tulikosa kitu flan kwenye ufundi na hamasa.. sasa hivi kuanzia Rais, chama cha soka wazamin mpaka wafadhili binafs wanajitahid kuhamasisha kuleta ufund na jitihada zingine za dhat lakini maskini hatuna wachezaji.. wengi wao urefu, body zao na hata bidii pale uwanjani ni 0 kabisa.. waangalie ngasa, kazimoto, kapombe, mcha, na hata uyo samata mwenyewe japo anajitahid coz anacheza huko mazembe so ana skils, huyo kipa ndo angalau ana kimo cha kutisha golini.. but kwenye hii tim tungekua na akina thomass ulimwengu ka watano tukawachanganya na hao kina ngasa wawili watatu naamin tungewatoa jasho mambaz.. coz tim yao ina vipande c mchezo, tuliwaona hapa utasema mabondia. Alie mfupi mtaza me misuli yake.. yani piga ua wametutoa kwa hilo hawana mpira wa kutushinda ss wale.. ubavu!!! Ndo maana naikumbuka miamba yetu kuanzia golini mwameja nemess.. jipendeke kwa beki mwakalebela, salum kabbunda, mohammed hussein... tulikua tunatisha ila ufundi haukuepo maskin. Mungu ibariki zTanzania!
ReplyDelete