Hussein Machozi Asema Wimbo Wake wa Mdogo Mdogo Aliurekodi Kabla ya Diamond Kurekodi Wake, Akana Kuwa na Beef Nae

Week iliyopita Mtandao Maarufu wa Kenya unaitwa Ghafla ulitoa wimbo ambao unaitwa Mdogo mdogo wa Hussein Machozi Ambao kidogo Umefanana na ule wa Diamond wa Mdogo mdogo Kimahadhi ...
Hussein Machozi Ameibuka na Kusema Haya:

“Yeah kuna wimbo upo masikioni mwa watu sasa hivi ambao haukupangwa kutoka hivi karibuni ila nashangaa kuukuta mitandaoni yaani umevuja”.

Hit maker huyo wa ‘Kwa Ajili Yako’ amesema kuwa wimbo huo ameurekodi miaka miwili iliyopita, na si kama ambavyo watu wanadhani kuwa huenda ameutoa kumjibu Diamond.

“Wimbo umerekodiwa miaka miwili nyuma na sikuwa najua kama Diamond nae ana wimbo kama huo. Wakati naufikiria kuutoa ndio nikasikia Diamond ametoa wakwake nae ameuita mdogo mdogo. Nilijaribu sana kubadilisha jina ila haikuwezekana kulingana na maana nzima ya wimbo, mimi nikauacha nikasema wacha niutulize hadi ya bwana Diamond ipite nami nitautoa wangu, ila nimeukuta kwenye mitandao sina jinsi.”

Kuhusu nani anayehusika kuuvujisha na hatua zozote alizochukua:

“Nadhani ni producer maana hakuna aliyewahi kua nao huu wimbo zaidi ya mimi na producer Toti. Sijachukua hatua zozote zaidi ya kumuuliza na alivyokataa basi nikawa sina jinsi tena maana tayari watu wanao sasa huu wimbo siwezi waambia rudisheni au uacheni, nimeuacha uende tu.”

Kuhusu sababu anazohizi zimefanya wimbo wake upambanishwe na mdogo mdogo ya Diamond, je ni kweli ana beef nae?:

“Hapana mimi sinaga beef na mtu kwa kweli beef labda kikazi tu, mimi naona sio mbaya maana sisi ni wanamuziki na hiyo ni kazi yetu na wao pia wamefanya kazi yao ambayo wanaona inawafaidisha wao, angekuwa mtu mwingine au wimbo ni wa kawaida tu wasingeweza kumuweka hapo na Diamond au kumuandika kivyovyote. So wameona mimi nastahili na pia inastahili ni kali namaanisha ndio maana wameiweka hapo, mimi naona ni sawa tu”.