Shilole akanusha kupelekwa Ubelgiji na ‘Pedeshee’

Shilole amekanusha tetesi zilizoandikwa kwenye magazeti ya udaku kuwa hakwenda nchini Ubelgiji kutumbuiza, bali alipelekwa na mwanaume.

Shilole ameiambia Bongo5 kuwa anashangazwa mno na tabia ya wabongo ya kuzusha mambo yasiyo na kichwa wala miguu.

“Mimi wabongo nimeshawazoea kabisa hawaniumizi kichwa kwa sababu mimi nilienda kufanya kazi yangu halafu nina uhakika na kazi yangu,” amesema Shisi Baby mwenye uhusiano wa kimapenzi na Nuh Mziwanda.

“Mtu mwingine anasema sikwenda kwenye kazi sijui nilienda kwa mabwana! Japokuwa vitu hivyo vinawezekana lakini sio kwa mimi. Wasanii tunajiheshimu sana labda watu wengine na sio msanii kama mimi. Wangekuwa wanafuatilia kazi zangu zinazoonekana tu lakini sio kuongea tu. Sometimes jealous na wanaweza kuongea kitu hata bila uhakika kwa mimi nimeshawazoea.”

Kuhusu ngoma mpya, Shishi amesema: Kuna kazi nilifanya na Abdul Kiba ila nimesikia imevuja lakini sio ishu itakuwa Abdul Kiba ndo kaivujisha. Lakini haitanizuia kuachia ngoma, nitaachia ngoma mpya kabla mwaka haujaisha.”