Nuh amesema vibali alivyochukua Shilole BASATA ndio vilivyomwezesha kuchukua visa ya kusafiria.
“Ili upate urahisi wa kupata visa lazima upate vibali vyote vya BASATA,” Nuh aliambia XXL ya Clouds FM. “Kwahiyo ilibidi awe na vibali vyote vya BASATA kwasababu BASATA walizungumza na Msando yakaisha pale pale,” aliongeza.
Hata hivyo Katibu Mtendaji wa baraza hilo Godfrey Mngereza alisisitiza kwa mara nyingine tena kuwa hawajaifuta adhabu kwa Shilole na sasa wanajipanga kumjadili tena baada ya kukiuka adhabu hiyo.
“Hakuna mahali ambapo panasema ameondelewa adhabu,” alisema.
“Kwa taratibu, baraza linaendeshwa kwa mujibu wa sheria na hii ni sheria ya bunge namba 23 ya mwaka 1984 na kanuni zake za baraza ambazo ni za mwaka 2015. Sasa kikitokea kitu kama hicho tunarudi tena kwa utaratibu ule ule ambao ulikuwa umetumika katika kutoa adhabu ndio mfumo huo huo tena ambao utatumika,” alisema.
.webp)
.jpg)