Kafulila Alitetemesha Serikali Kwa Kuibua Ufisadi wa ESCROW, Lembeli na TOKOMEZA. Sasa Yamewakuta! Hawa Ndio Watanzania!

UKAWA wanasema ufisadi ni maisha ya mfumo wa serikali ya CCM. Hivyo wakasisitiza kuwa dawa ya ufisadi ni kuiondoa serikali ya CCM madarakani. Lakini kuendelea kukomaa na ufisadi bado sio kete muhimu ya kuwang'oa CCM. Na hili ndio chimbuko la kukubali kumpa Lowassa ridhaa ya kugombea urais kwa tiketi ya CHADEMA/UKAWA!

Na kweli hili limedhihirika mchana kweupe kabisa. Hakuna kashfa kubwa iliyowahi kuitetemesha serikali kama ya ESCROW iliyoibuliwa na David Kafulila na OPERESHENI TOKOMEZA iliyokuwa chini ya James Lembeli.

Lakini cha ajabu leo hii hawa wawili hawapo bungeni. Wameangushwa. Kwa namna ambavyo wamejitoa mhanga kwa ajili ya kuwatetea wananchi nilitegemea huu pia ni muda muafaka wa wananchi hususan wa majimbo yao kuwapigania na kuwatetea kama wana ubungo wana kibamba wana kawe walivyowatetea makamanda wao!

Kama watawala wakiona kuwa una back up kubwa kutoka kwa wananchi wanakuogopa na kukuacha ushinde lakini wakiona kuwa back up yako ni ndogo sana basi wanakomaa na kuhakikisha kuwa unang'oka.

Tukumbuke akina Sign wana mpango wa kumfungulia Kafulila kesi kisa mambo ya Escrow. Kafulila shujaa wa Taifa kakosa watetezi!

Itoshe kusema kuwa hawa ndio watanzania wetu. Na hii ndio nchi yetu, Tanzania. Pengine kuna watanzania wengi hatujui nini tunachokitaka!

CCM waliwahi kusema hawapo tayari kukabidhi nchi kwa karatasi! Na wanaishi kauli yao hii!