Waziri Mkuu mstaafu, Dk. Salim Ahmed Salim, ameshangazwa na uamuzi wa Tume ya Uchaguzi Zanzibar (ZEC), kufuta uchaguzi visiwani humo.
Amesema jumuiya za kimataifa zilishtushwa na uamuzi huo, amesema kinachotakiwa hivi sasa ni haki itendeke kwa kila kila upande kukaa na kutafuta suluhisho la kudumu. “Tanzania haijazoea migogoro ya siasa jambo ambalo si jema katika sura ya kimataifa,” alisema.
Mwanadiplomasia huyo wa kimataifa ametoa kauli hiyo,baada ya Mwenyekiti wa ZEC, Jecha Salim Jecha, kutangaza kufuta matokeo ya uchaguzi huo Oktoba 28, mwaka jana. Alisema hatua ya kufutwa uchaguzi wa Zanzibar ni jambo lililowashangaza wengi kwa kuwa uchaguzi ulifanyika kwa amani na utulivu, huku waangalizi wa ndani na nje wakiusifia katika ripoti zao. “Ni hatua ambayo imewashangaza wengi…imeibua sintofahamu kubwa katika nchi yetu kwa sababu uchaguzi uliopita Tanzania ilipata sifa,baada ya uchaguzi kufanyika kwa amani na utulivu. Lakini kitendo cha kufutwa kumewashangaza wengi na bado suala hili halieleweki. “Pia hili jambo sidhani kama ni la mtu mmoja…sidhani kama ni la Jecha peke yake. Huu si mustakabali mzuri kabisa, Zanzibar ni nchi ndogo, lakini ina historia kubwa kisiasa hivyo juhudi za pamoja zifanyike kutatua mgogoro huu kwa matakwa ya Watanzania kwa ujumla.
.webp)
.jpg)
sasa mheshimiwa dr.salim subiria kuweweseka kwa ccm,mwenyekiti wa uvccm sadifa atakwambia wewe ni chotara na zanzibar ni nchi ya waafrika.ataenda mbali zaidi atakaposema atalipeleka jina lako kamati kuu ya ccm ili ufukuzwe uanachama wa ccm.kimsingi dr.salim unaungana na mhe.membe na watanzania wote wapenda mabadiliko,maendeleo ya kusonga mbele,tunaolaani usiku na mchana jinsi uhuru wa demokrasi unavyoendelea kuzikwa nchini mwetu.sasa hivi tanzania hakuna mikusanyiko ya kisiasa,vyama vya upinzani haviruhusiwi kufanya mikutano ya hadhara.hapo utasema una siasa.midomo inachunguzwa,magazeti yanafungiwa 'milele',mitandao inamulikwa,tanzania mpya1
ReplyDelete