MKAZI wa kijiji cha Sakalilo kilichopo mwambao wa Ziwa Rukwa wilayani
Sumbawanga, Kalitus Jacob (44) ameuawa kwa kukatwa na kitu chenye ncha
kali kisogoni kisha mwili wake ukatupwa chini ya daraja la Mumba na watu
wasiojulikana.
Kamanda wa Polisi mkoa wa Rukwa, George Kyando alisema tukio hilo
lilitokea Januari 16 mwaka huu, saa 12:00 jioni katika kijiji cha
Sakalilo “Kabla ya tukio, alionekana akiwa kilabuni na wake zake wawili
wakinywa pombe, aliwaaga na kuondoka na hakurudi tena hadi alipokutwa
akiwa amekufa. Chanzo cha mauaji hakijajulikana na juhudi za Jeshi la
Polisi zinaendelea ili kubaini kiini cha mauaji hayo,” alieleza Kamanda
Kyando.
Alisema kuwa mwili wa marehemu umekabidhiwa kwa ndugu zake kwa ajili
ya maandalizi ya maziko yake baada ya kufanyiwa uchunguzi wa kitabibu.
Alisema watuhumiwa hawajakamatwa huku uchunguzi unaendelea ili kuweza kuwabaini waliohusika katika mauaji hayo.
.jpg)
.jfif)
