Msanii wa muziki wa bongo fleva Belle 9 kupitia kipindi cha Kikaangoni
kilichofanyika siku ya Jumatano
amefunguka na kusema hawezi kumsahau producer Triss ambaye ndiye
aliyemtengenezea ngoma yake Sumu ya Penz.
Belle 9 amesema licha ya maisha ya
muziki Triss amemsaidia mambo mengi sana ikiwemo kumfundisha namna nzuri
ya kutamka maneno hata kumkumbusha katika mambo mbalimbali pindi
anapochepuka kwenye mstari.
"Huwa napenda watu wajue namna gani
producer Triss amekuwa msaada kwangu kwenye muziki hata nje ya maisha ya
muziki, Triss ndiye mtu aliyekuwa akinifundisha namna nzuri ya kutamka
maneno licha ya kuwa nilikuwa naona kwa watu wengine lakini msisitizo
mkubwa nilikuwa napata kwake, Triss hata pale alipoona imani yangu
kidini inapungua alinisisitiza kwenda kanisani sana. Hivyo amenisaidia
mambo mengi sana hata nje ya muziki na hiki kitu napenda watanzania
wajue" alisema Belle 9.
Download Application ya Udaku Special Blog Kwa Kubonyeza Hapa
