Msanii wa filamu nchini Lulu Michael ambaye wiki hii alikuwa akitangaza
kipindi cha 'NgazKwaNgaz' alifunguka na kuweka wazi kuwa msanii Ommy
Dimpoz na Alikiba ni watu ambao wamekuwa wakifanya vizuri kila
wanapokutana.
Lulu Michael alidai kuwa wakali hao wa bongo fleva wamekuwa wakifanya
vyema kila walipokutana na kutengeneza kazi nzuri ambazo zinapendwa na
watu.
"Katika Top 20 zangu mwaka 2016 zilizonifurahisha sana kazi ya
Alikiba na Ommy Dimpoz inakuwa namba 4, yaani Ommy Dimpoz akikaa na
Alikiba wanafanya kitu kizuri, ile verse ya Alikiba kwenye Kajiandae ni
tamu sana unaweza kuinywea chai bila hata andazi. Sijui sasa Alikiba
ndiyo mjanja wa Ommy Dimpoz?
Maana nakumbuka hata ule wimbo wao wa
kwanza 'Nai nai' ulifanya vizuri sanaa" alisema Lulu Michael
Mbali na hilo Lulu Michael anasema sababu kubwa kuipenda video ya
'Kajiandae' kwanza namna wasanii pamoja na dancers walivyoweza kuvaa
vizuri, lakini pia mwanamke aliyetumika kama video queen alikuwa na
muonekano mzuri wenye kuvutia na kuleta utofauti.
.webp)
.jpg)