kazi wa Kata ya Daraja Mbili, Mtaa wa Darajani, Baraka Rajabu (25), ameuawa kwa kuchomwa kisu na rafiki yake kwa madai ya deni la Sh10,000.
Kamanda wa Polisi Mkoa wa Arusha, Charles Mkumbo amesema Rajabu alichomwa kisu na rafiki yake eneo la Uwanja wa Robikoki hatua chache baada ya kutoka nyumbani kwa mtuhumiwa walikokuwa wakidaina fedha.
Awali, ilidaiwa kuwa Rajabu ambaye ni fundi ujenzi alikwenda nyumbani kwa rafiki yake kumdai fedha hizo za malipo ya viatu alivyomuuzia.
Mwenyekiti wa Mtaa wa Daraja Mbili, Japhet Mmbinga alisema watu walioshuhudia tukio hilo walisikia majibizano kati ya wawili hao yakihusisha deni la Sh10,000.
“Saa nane usiku wa kuamkia jana, mwili wa marehemu ulikutwa ukiwa kwenye bustani za mboga. Hawa walikuwa marafiki na familia zao zote zipo mtaa wangu,” amesema mwenyekiti huyo
.webp)
.jpg)