“Kisaikolojia haiwezekani kitu ambacho hukijui ukakikubali chote bila kuwa na mashaka,” alisema Katibu Mkuu wa Chama cha Demikrasi na Maendeleo (CHADEMA), Dkt. Vicent Mashinji.
Kiongozi huyo ametoa kauli hiyo leo alipokuwa akizungumza na waandishi wa habari kuelezea msimamo wao juu ya sakata la madini ambapo wamesema wao hawawezi kushangilia maneno matupu bali wanasubiria matokeo.
“Tunataka kuona hatua kwanza na sio pongezi ambazo sasa hivi zinaambatana na ushabiki wa kisiasa na kauli tupu nyingi nyingi, mara mwizi, mara mwanaume.”
Aidha, Dkt Mashinji alimtaka Rais Magufuli kuueleza umma wa Watanzania kama kampuni ya Barrick ambao ni wamiliki wakubwa wa Acacia ni wezi au ni wanaume. Akitolea ufafanuzi, neno mwanaume, Dkt Mashinji alisema kwa mazingira ya kitanzania neno mwanaume linamaanisha mtu mchapakazi, mtenda haki, anayejituma. Hivyo Rais aseme kama Barrick ni wezi au wachapakazi.
“Ukiongea katika lugha ya kitanzania ukisema huyu jamaa ni mwanaume kwelikweli, tafsiri yake ni rahisi tu, kwamba huyu jamaa ni mchapakazi, ni muungwana ni mtu wa watu, ndivyo tunavyotumia. Hatuongelei mwanaume kwa sababu ya maumbile yake.“
Wakati huo huo, Dkt Mashinji alisema, kama Rais Dkt Magufuli anawapenda Watanzania kama ambavyo anadai, awape katiba ya Warioba kwani ndiyo chaguo lao na ndio itakayomaliza matatizo yote.
Alisema kuwa, wao waamini kama Rais ataruhusu mchakato wa katiba ya Warioba kupitishwa, basi wabunge wa CCM wanaopitisha sheria kiushabiki na kutotimiza majukumu yao hawatarudi bungeni sababu watawajibishwa na wananchi.
.webp)
.jpg)
Hahaha! Kumbe nawewe upo?? Ulikuwa kimya muda mrefu umeona angalau nawewe usikike hahaha! Sijaelewa bado unachotaka kutuambia sisi wa TZ.....kwamba umegundua ripoti imeandikwa na JPM au ulikuwepo wakati anaiandika? hahaha...haya sasa umerukia tena ktk neno 'wanaume', na wewe tukuiteje, mwanaume au?? hahaha. Ghafla umedandia la katiba mpya! hahaha sio lazima uzungumze, kama umeishiwa 'pumzi' ni heri ukae kimya.... wacha nikukumbushe, JPM alisema anainyoosha hii nchi kwanza, ndipo aendeleze mchakato wa katiba mpya, UPO.....chadema aka wazee wa kuropoka 'kwishney' tehetehe NA BADO, MTACHANGANYIKIWA SANA!!
ReplyDeleteMwenzio akifanya vizuri mpongeze, kama alivyofanya Lowassa kumpongeza Magufuli au unadhani kakosea? halafu huu upinzani wa kupinga kila kitu mbona hatuwaelewi mko nchi hii ili kufanya nini, mtafute nchi ya kwenda basi tujue kuwa ninyi sio wenzetu, nahisi wewe Mashinjia si Mtanzania, viginevyo utakuwa na Upungufu wa Busara Kichwani (UBUKI) huo ni ugonjwa hatari sana.
ReplyDelete