Hivi Ndivyo Ukarimu wa Vodacom Ulivyowafikia Watanzania Msimu wa Ramadhan

Vodacom Tanzania imefanikiwa kufikia Watanzania zaidi ya 20,000 katika msimu huu wa Ramadhan unaoelekea ukingoni ambapo jumla ya tende tani 4 zimegawiwa pamoja na maji chupa 25,000. Kampeni hiyo yenye lengo la ukarimu, ushirika na utoaji katika mwezi huu mtukufu wa Ramadhan na katika maisha ya kila siku hadi sasa imewafikia wakazi wa mikoa ya Dar es Salaam, Pwani, Lindi Mtwara, Tanga na Zanzibar.

Ukarimu huu wa Vodacom unakwenda sambamba na kuwapatia wateja kifurushi kinachowawezesha kupata Qaswida, Mawaidha, Hadith, Facebook yenye picha na kuzungumza usiku wanaposubiri daku BURE kabisa. Huduma hii pia inawapatia muda wa maongezi, SMS na kuwawezesha kupiga simu BURE wakati wakisubiri muda wa kula daku, kugawa tende pamoja na maji. Pia huduma hiyo inawakumbusha muda wa kuswali na kuwapatia Mawaidha na Hadith. Ili kujiunga na huduma hii mteja anapiga *149*01# kisha anachagua aina ya bando kulingana na uwezo wake wa kifedha, kuna bando linalodumu kwa saa 24 na lingine linadumu kwa siku 7.