TAKUKURU Yasababisha Shaffi Dauda Ajiengue Uchaguzi TFF

Mgombea wa nafasi ya ujumbe katika uchaguzi wa TFF na mchambuzi wa habari za michezo Tanzania, Shaffih Dauda amejiondoa katika kinyang’anyiro hicho, siku 3 baada ya kuhojiwa TAKUKURU.

 

“Nimejitoa kwenye uchaguzi wa TFF, nitaendelea na harakati zangu za kuendeleza soka”

“Nimetumia muda mrefu kujenga brand yangu hakuna haja kuendelea kung’ang’ania. Suala la Rushwa ni kunichafua na mimi sitaki”. Amesema

Dauda ambaye alichukua fomu ya kugombea nafasi ya ujumbe katika Shirikisho la Mpira wa Miguu Tanzania (TFF) Juni 17 mwaka huu, zilienea taarifa za kukamtwa kwake na TAKUKURU akiwa na baadhi ya wadau wa soka hapa nchini wakiwemo wagombea wa uchaguzi katika nafasi mbalimbali siku ya Jumatano ya July 26 2017.