Madee Aeleza Maana Kuhusu #WinoMweusi

Msanii wa Bongo Flava, Madee ametolea ufafanua maana ya #WinoMweusi ambayo amekuwa akiitumia kwenye mitandao ya kijamii.

Madee amesema maana yake ni kuwa maandishi/mashairi  anayoandika ni vigumu mtu yeyote kuyatafsiri na kupata maana iliyokusudiwa.

“Mpaka mimi nikukumbushe nilimaanisha nini baada ya hapo wewe ndio utajua. Mara nyingi sana ninapoandika nyimbo zangu kila mtu anajaribu kutafsiri anavyojua lakini mwisho wa siku mimi ninakuwa na maana yangu hicho ndicho kilipelekea hadi tukaja tukakorofushina na Afande Sele,” Madee ameiambia Bongo5.