Steve Nyerere Awachana Wafiki Wake wa Karibu

Komediani mwenye jina kubwa Bongo, Steven Mengere ‘Steve Nyerere’ amewafungukia watu wake wa karibu akiwaambia kwamba, siku akifa hawataamini na huenda ikawa wameshachelewa kuyafanya ya muhimu juu yake.

Kwenye ukurasa wake wa Instagram, jana, Steve Nyerere alitupia maneno mazito kwenye posti huku akiweka picha za watu mbali mbali maarufu hapa Tanzania, akisema kuwa siku akifa watatamani kumuomba msamaha akiwa kwenye jeneza lake.

“Siku nikifa najua hata wanaonichukia hawataamini, wataniomba msamaha nikiwa kwenye jeneza, lakini itakuwa haina maana, wangine watasema, dah, tulimkosea sana na wangine watakuwa wamejifunza kitu kupitia mimi, siku nikifa…,” aliandika Steve Nyerere.