Ayler Atoa Sababu ya Kuchukua Waume za Watu

Msanii Ayler amesema kwa sasa hatothubutu kumuweka wazi mwanaume wake kwani wanawake wengi ni wezi wa wanaume.

Akiongea kwenye Back Stage ya Bongo Fleva Top 20 ya East Africa Radio, amesema wanawake wengi siku hizi ni wezi na wa waume za watu, na kwamba hiyo imetokana na wanaume kuwa wachache na wengine kupoteza sifa ya kuwa wanaume.

Ayler amesema wanawake wanapenda kufanya hivyo ili kupata mteremko kwa wanaume ambao tayari wana maisha yao, kwani kila mwanaume ambaye tayari ana familia, mara nyingi hutekeleza majukumu yake ipasavyo, na ndio kitu wanawake wote duniani huangalia.