P The Mc Atoa ya Moyoni kwa Wanaoponda Uwezo wa Harmorapa

Msanii wa muziki wa hip hop Bongo, P The Mc amefunguka juu ya wale wanaoponda uwezo wa kimuziki wa msanii Harmorapa.

Rapper huyo wa SSK amesesma Harmorapa ametumia akili kubwa sana hadi kuhakikisha watu wanamfahamu na kilichobaki kwake ni kuhakikisha anatoa muziki mzuri.

“Harmorapa ni mwanangu mmoja namkubali sana, kwanza tunasema ukiingia kwenye hii industry ukiwa na kitu cha utofauti hiyo unakuwa umetumia akili kubwa sana kuliko watu wanavyodhani. Kwa hiyo Harmorapa alifanikiwa kwa hicho kitu, ilifikia time watu hawataki kudeal na habri zozote hata za kisiasa wanataka kujua habari za Harmorapa” amesema P The Mc.

Amesema hadi kufikia hapo alipo ni hatua kubwa sana amepiga na wanaosema siyo msanii wao ndio wanafanya sanaa ni maneno yao binafsi.

“Sisi tunasema art inatoka kichwani pengine inawezekana Harmorapa ikawa hata haandiki yeye lakini kama ana uwezo wa kusikiliza na kurap kwenda na beat bila kukosea maana yake sanaa tayari anayo” amesema.

Chanzo Bongo5