Pamoja na askari hao kuuawa, askari wengine 44 wamejeruhiwa na 2 hawajulikani walipo.
Kufuatia vifo hivyo Mhe. Dkt. Magufuli amemtumia salamu za rambirambi Waziri wa Ulinzi na Jeshi la Kujenga Taifa Dkt. Hussein Ali Mwinyi, Mkuu wa Majeshi ya Ulinzi Jen. Venance Salvatory Mabeyo, Maafisa na Askari wa wote JWTZ, familia za marehemu na Watanzania wote kwa kuwapoteza mashujaa waliokuwa wakitekeleza wajibu wao.
“Nimeshtushwa na kusikitishwa sana na vifo vya vijana wetu, askari shupavu na mashujaa waliopoteza maisha wakiwa katika majukumu ya kulinda amani kwa majirani zetu DRC” amesema Mhe. Dkt. Magufuli.
Amewaombea marehemu wote wapumzishwe mahali pema peponi, Amina.
Aidha, Mhe. Rais Magufuli amewataka Watanzania wote kuwa watulivu na kuwa na subira wakati Serikali ikiendelea kuchukua hatua zinazostahili baada ya kutokea tukio hilo, na pia amewaombea majeruhi wote wapone haraka ili waweze kuendelea na majukumu yao ya kawaida.
Gerson Msigwa
Mkurugenzi wa Mawasiliano ya Rais, IKULU
Chamwino, Dodoma
08 Desemba, 2017
.webp)
.jpg)
Nimesikitishwa sana na kifo Cha Wanajeshi hawa. Lakini najiuliza Je UN hapo kongo inalinda maslahi ya nani?kama si ya nchi kubwa za kimataifa ambazo zinafaidika kutokana na raslimali kuu za uchumi za Congo. Waafrika anzani kuwa wakweli. Anzeni kujiuliza na kupigania haki zenu badala ya hivi vyombo vya kimataifa zinavyowanipulate Waafrica. Kila taifa kuu linaumiliki mkuu wa madini Congo. Madini ya kutengenezea nguvu za nuklia ambazo pia zinatutesa Waafrika wenyewe na dunia nzima.Ni nani asiyejua. Kuanzia Dhahabu, Almasi, na madini ya kutengenezea electonicks zote dubiani. Wapinzani wa Congo wanalijua hili. Raisi wa Congo ni kibaraka cha hawa wazungu wote. Ni aibu kubwa kutumika kwa kutetea maslahi ya Wazungu kupitia UN. MMewapoteza mashujaa, ambao familia zao kamwe hazitakuwa sawa tena kwa kitu si cha ukombozi wa watu wa Congo. Lini Africa itaamka na kuukana utumwa huu.
ReplyDelete