Baada ya Kufungwa Jana Timu ya Simba Yasikia Kilio cha Mashabiki na Wanachama Wake Je Omog Kutimuliwa?

Mkuu wa Kitengo cha Habari na Mawasiliano cha Klabu ya Simba SC, Haji Manara amefunguka na kusema kuwa klabu ya Simba imesikia maoni ya mashabiki na wanachama wa klabu hiyo na kudai kuwa muda si mrefu watasikia matokeo.


Haji Manara amesema hayo ikiwa imepita siku moja toka klabu ya Simba iondolewe kwa mikwaju ya penati kwenye michuano ya Azam Sports Federation Cup (ASFC) na timu ya Green Warriors, kitendo ambacho kimeonyesha kuwakera na kuwaumiza sana mashabiki wa Simba na wanachama wake ambapo wengi wao walitupa lawama kwa kocha Kocha Mkuu wa Simba, Joseph Omog, raia wa Cameroon.