Gari Laleta Kizaazaa Laacha Njia na Kuvunja Duka na Kujeruhi

GARI aina ya Toyota Spacio T945 DHD limezua kizaazaa baada ya kuvunja duka la nguo la Jordan Store Collection lililopo Sinza Afrika Sana jijini Dar na kujeruhi wawili.

Mashududa wa ajali hiyo wanaeleza kuwa gari hilo lilikosea njia baada ya kudaiwa kugonga watu wawili  na baadae kuzama ndani ya duka hilo. Dereva wa gari hilo alikamatwa muda mfupi na kupelekwa kituo cha Mabatini, Kijitonyama.

Mmiliki wa duka hilo, akizungumza na Global TV Online amesema kuwa amepata hasara kubwa baada ya vitu vyake kugongwa na gari hilo na amesema anawashukuru polisi kwa kumkamata dereva na kwa sasa wanafanya hesabu kujua jumla ya hasara waliyoipata kutokana na ajali hiyo.