Hapa Ndipo Ilipofikia Hali ya Msanii Radio.... Kufanyiwa Maombi Maalum Kwaajili ya Kuokoa Uhai Wake

Wadau wa burudani na mashabiki wa mwanamuziki Radio wanatarajia kufanya maombi maalum kumuombea msanii wa Mowzey Radio, ambaye amelazwa hospitali akiwa kwenye comma.


Akizungumza na mwandishi wa www.eatv.tv  kwa njia ya ujumbe mfupi wa WhatsApp , msemaji wa kundi la Goodlyfe, amesema maombi hayo yanatarajiwa kufanyika Jumapili ya Januari4, katika kanisa la Light the World.

“Maombi yameandaliwa kufanyika kwenye kanisa la Light the World lililopo Nansana, ambalo linaongozwa na Wilson Bugembe, kwa ajili ya kumuombea kaka yetu Radio, na wote wanakaribishwa kuhudhuria”, amesema msemaji huyo.

Radio alikimbizwa hospitali wiki iliyopita baada ya kupata comma kutokana na kupigwa vibaya sehemu ya kichwani kwenye ugomvi, akitokea kwenye hoteli moja nchini Uganda, na mpaka sasa bado anaendelea kupigania maisha yake, ambapo hapo jana amefanyiwa upasuaji kwa mara ya pili.