Wenger Aweka Wazi Kuhusu Aubamayeng

Kocha wa Arsenal, Arsene Wenger amesema usajili wa nyota wa klabu ya Borussia Dortmund Pierre-Emerick Aubameyang, hauko kwenye hatua nzuri za kukamilika na ataendelea kutumia washambuliaji waliopo.


Wenger amesema hayo mchana huu wakati akiongea na wanahabari kuelekea mchezo wa kesho wa nusu fainali ya kombe la ligi EFL dhidi ya Chelsea.

''Hatujakamilisha usajili wa Aubameyang wala mchezaji mwingine, lakini tunaendelea na maongezi hivyo siwezi kusema kama tutampata au tutamkosa, tuna washambuliaji wengine na tutaendelea nao'', amesema Wenger.

Aubameyang raia wa Gabon mwenye umri wa miaka 28 anatajwa kuwa na thamani ya € 65 milioni takribani shilingi bilioni mbili.

Kuhusu mchezo wa kesho Wenger amesema washambuliaji wake Danny Welbeck na Olivier Giroud bado hawako vizuri hivyo hajajua kama watacheza au hawatacheza.

Arsenal itaelekea darajani katika mchezo wa kesho ikiwa na kumbukumbu ya ushindi wa bao 1-0 dhidi ya Chelsea kwenye mchezo wa kwanza uliopigwa Emirates wiki iliyopita.