Shauri hilo lililopo katika Mahakama ya Wilaya ya Iringa linaanza kusikilizwa leo Jumatatu Februari 5,2018 baada ya wiki iliyopita kuelezwa kuwa upelelezi umekamilika.
Katika kesi hiyo namba 189 ya mwaka 2017, Kimbe anadaiwa kutishia kumuua Alphonce Muyinga, ambaye ni katibu wa Umoja wa Vijana wa CCM (UVCCM).
Anadaiwa Novemba 26,2017 katika Kata ya Kitwiru ndani ya Manispaa ya Iringa wakati wa uchaguzi mdogo wa udiwani alitishia kumuua Muyinga kwa bastola kinyume cha sheria.
Shauri hilo linasikilizwa mbele ya Hakimu Mkazi, John Mpitanjia.
