Yanga Kibaluani Kesho Kuumana na Shelisheli St Louis

Klabu ya soka ya Yanga inatarajiwa kushuka Dimbani Kesho Jumamosi kuumana na Mabingwa wa Shelisheli St Louis, lakini kikosi hicho kitawakosa nyota wake wanne wa kikosi cha kwanza.

Msemaji wa klabu ya Yanga Dismas Ten amewaambia waandishi wa habari kuwa taarifa ya Daktari wa timu hiyo Edward Bavu imeonesha kuwa wachezaji Donald Ngoma, Abdalah Shaibu, Yahana Nkomola na Amiss Tambwe hawatakuwa sehemu ya mchezo huo.

Kocha Msaidizi wa Yanga Shedrack Nsajigwa amesema, mchezo wa kesho ni muhimu kwa timu yake na kwani utaisaidia Yanga kufikia malengo yake katika michuano ya kimataifa.

Kwa upande wake kocha mkuu wa St Louis ya Shelisheli Michel Renald amesema wamekuja kucheza na yanga na wanaiheshimu na mchezo wa kesho watahakikisha wanautumia vyema kupata matokeoyatakayowawezesha kusonga mbele katika ligi ya Mabingwa.

Yanga inatarajiwa kutupa karata yake ya kwanza katika michuano ya ligi ya Mabingwa barani Afrika kwa kuumana na mambingwa wa Shelisheli St Louis katika mchezo unatarajiwa kupigwa katika dimba la Uhuru Jijini Dar es salaam.