Breaking News: Mbowe na Vigogo Watano wa Chadema Wamepewa Dhamana

 Mahakama ya Hakimu Mkazi Kisutu imewapa dhamana viongozi sita wa Chadema, akiwemo mwenyekiti wa chama hicho, Freeman Mbowe.

Washtakiwa hao wametakiwa kuwa na wadhamini wawili ambao watasaini bondi ya Sh20milioni na kuwa na barua kutoka kwa viongozi wao ama wa vijiji au mtaa ambao watapaswa kuwa na nakala za vitambulisho vyao.

Pia, wametakiwa kuripoti Kituo Kikuu cha Polisi, Dar es Salaam.

Hakimu Mkazi Mkuu wa mahakama hiyo, Wilbard Mashauri amesema asiyeridhika na uamuzi huo ana haki ya kukata rufaa.