Afande Sele Akubari Yaishe kwa Mzozo wa Jina la Simba ....Amtumia Salamu za Heri Daimond

Baada ya mzozo mkubwa wa kipindi cha nyuma wa kugombea uhalali wa umiliki wa jina la Simba kati ya mkongwe wa muziki wa Hip Hop, Afande Sele na msanii wa muziki wa Bongo Fleva, Diamond Platnumz. Hatimaye Afande Sele ameonekana kukubali yaishe kwani amemtakia kila la kheri Diamond kwenye uwakilishi wake kwenye Kombe la Dunia.

Afande Sele amesema kuwa maendeleo hayana u-team hivyo anaamini kuwa kitendo cha Diamond kushiriki kwenye wimbo rasmi wa Kombe la Dunia ni jambo la kupongezwa na kila mtu.

“Maendeleo hayana timu, kutoka Tandale hadi Rusia, Kinesi Cup hadi World Cup. Hongera sana mdogo wangu baba yake Tipha…Lion Never loose..💪…All the best Nasib/Tanzania.“ameandika Afande Sele kwenye ukurasa wake wa Instagram.

Soma zaidi – Afande Sele kumaliza kesi ya neno ‘Simba’ kati ya Diamond na Mr Blue kwa style hii

Salamu hizo za Afande Sele zimekuja ikiwa ni siku tano zimepita tangu wimbo rasmi wa Kombe la dunia ‘Colours’ uliowakutanisha Jason Derulo na Diamond Platnumz.