Rick Ross Kupiga Bonge la Shoo Leo Kenya

RAPA Mmarekani, Rick Ross, aliwasili jana jijini Nairobi, nchini Kenya kwa ajili ya kufanya shoo ambayo itafanyika leo (Jumamosi) katika viwanja vya Carnivore. Msanii huyo ambaye ni maarufu kwa kufanya shoo akiwa kifua wazi, alionekana kupungua kidogo umbo lake ambalo mashabiki wake wamelizoea.



Muda mfupi baada ya kuongea na vyombo vya habari alipotua uwanja wa ndege, mwanamuziki huyo aliondoka na msafara wake hadi katika hoteli iliyoandaliwa kwa ajili yake. Kwa mujibu wa kituo cha Radio NGR, Ross ambaye ni maarufu kwa jina la Boss, atatumbuiza na wasanii maarufu wa Kenya kina Khaligraph Jones, Camp Mullah na Nyashinski.


Hii itakuwa ziara ya kwanza ya Rick Ross katika Kenya licha ya kupiga kolabo na mwanamuziki Diamond Platnumz wa Tanzania katika wimbo wa Waka Waka.