Klabu ya soka ya Simba kupitia kwa kocha wake msaidizi Masoud Djuma imewataka mashabiki wao kujitokeza kwa wingi kwenye uwanja wa Jamhuri Morogoro kwenye mchezo wao dhidi ya Mtibwa Sugar leo.Akiongea kuelekea mchezo huo wa leo Masoud amesema mashabiki wajitokeze kwa wingi kuipa nguvu timu hiyo na wao kama benchi la ufundi na wachezaji watafanya kazi yao uwanjani ambayo ni kusaka alama tatu.
''Nachoweza kusema ni kuwakaribisha tu mashabiki mana sisi tumeshafanya maandalizi yetu vizuri na wao wakija watupe nguvu tu sisi tutafanya kazi yetu uwanjani, ni mchezo mgumu lakini tumejiandaa kushinda'', amesema.
Simba ambayo inaongoza msimamo wa ligi ikiwa na alama 49 kwenye michezo yake 21 itakuwa na kibarua kigumu dhidi ya Mtibwa Sugar ambayo ipo kwenye kiwango kizuri ikitoka kushinda ugenini dhidi ya Singida United.
.webp)
.jpg)