Tanzia: Mwili wa Masogange Kuagwa Kesho Leaders Club na Kusafirishwa Kijini Kwao

BAADA ya wadau wa sanaa kukaa na familia kujadili ratiba ya mazishi ya Agnes Gerald (Masogange), wameamua mwili wa marehemu utaagwa kesho (Jumapili) katika viwanja vya Leaders Club Kinondoni, jijini Dar es Salaam ambapo pia patafanyika misaa maalum.

Shughuli hiyo itaanza saa tatu asubuhi hadi saa saba mchana.

Kwa mujibu wa taarifa iliyotolewa, baada ya hapo mwili wa marehemu utasafirishwa kwenda Mbeya kwa ajili ya mazishi ambapo pia kutakuwa na mabasi maalum mawili kwa wale watakaopenda kumsindikiza marehemu mpaka Mbeya.