Mtoto Achapwa Viboko na Baba yake Hadi Kufa Baada ya Kukutwa Amejisaidia Ndani ya Nyumba

UKEREWE, MWANZA: Jeshi la Polisi linamshikilia mwanaume mmoja, Buyanza Magayane(39) kwa tuhuma za mauaji ya mtoto wake mwenye umri wa miaka miwili

Inadaiwa mtoto huyo alipoteza maisha baada ya mwanaume huyo kumchapa fimbo sehemu mbalimbali za mwili kutokana na kujisaidia haja kubwa kwenye nyumba

Kamanda wa Polisi Mkoa Naibu Kamishina wa Polisi Ahmed Msangi alisema baada ya kufanya mauaji hayo mwanaume huyo ambaye sasa yupo mikononi wa Polisi alimfukia mtoto kwenye shambani lake lililopo nyuma ya nyumba yake

Inasemekana Mei 23, 2018 mtuhumiwa ambaye ameachana na mkewe alitoka kwenye shughuli zake na kurudi nyumbani na kumkuta marehemu akiwa amejisaidia katika sehemu tofauti za nyumba