Mwanamke Ahukumiwa Kifo kwa Kumuua Mumewe Aliyembaka

Mahakama moja nchini Sudan imemhukumu kifo mwanamke mwenye umri wa miaka 19 kwa kumuua mumewe aliyembaka.

Jaji wa mahakama hiyo iliopo Omdurman alithibitisha hukumu hiyo ya kifo baada ya familia ya mumewe mwanamke huyo kukataa kufidiwa kifedha.

Wakati alipokuwa na umri wa miaka 16 , Nourra Hussein alilazimishwa kuingia katika ndoa na familia yake.

Hakuwa na raha hatua iliomlazimu kutoroka na kujificha katika nyumba ya shangazi yake.

Lakini miaka mitatu baadaye , anasema kuwa alidanganywa arudi nyumbani na familia yake ambayo ilimrudisha tena kwa mumewe.