Mpenzi wa Ronaldo Ashindwa Kuficha Hisia Zake Aiweka Kando Argentina

Mwanadada Georgina Rodriguez ambaye ni raia wa Argentina, amedhihirisha kuwa mapenzi yanaweza kuwa na nguvu na uzalendo ukafuatia baadaye, baada ya kuonyesha anaiunga mkono nchi aliyozaliwa mpenzi wake Christiano Ronaldo.


Nahodha wa Ureno, Cristiano Ronaldo kushoto, aliyevalia jezi ya Ureno ni mpenzi wake Georgina Rodriguez

Georgina ni mpenzi wa nahodha wa Ureno, Cristiano Ronaldo ambaye jana amefunga bao lake la nne katika michuano ya Kombe la Dunia inayoendelea nchini Urusi.

Bao hilo la nne amefunga Ureno ikipata ushindi wa kwanza kwa kuitwanga Morocco kwa bao 1-0 huku Georgina ambaye ni raia wa Argentina akisherekea jukwaani akiwa na jezi ya Ureno namba 7 ambayo huvaliwa na Ronaldo.

Hivi karibuni, Ronaldo aliwahi kusema ataiunga mkono pia Argentina wakati wa michuano ya Kombe la Dunia kwa kuwa mpenzi wake huyo ni mzaliwa na uraia wa Argentina.