Obama Kutua Kenya Kutembelea Kijiji Alichozaliwa Baba Yake

Taarifa ya kuifahamu leo June 22, 2018 ni kutoka Ikulu ya nchini Kenya ambapo imethibitisha Rais mstaafu wa Marekani Barrack Obama anatarajiwa kuwasili nchini humo katikati ya mwezi ujao.

Obama atakuwepo nchini humo kwa saa 24 tu kabla ya kupanda ndege kuelekea nchini Afrika Kusini ambako atahutubia kwenye mkutano wa 16 wa kuhusu taasisi ya Nelson Mandela.

Taarifa zinadai kuwa Obama ambaye ataambatana na mwendesha kipindi maarufu Oprah Winfrey pia atafanya mazungumzo na Rais Uhuru Kenyatta kabla ya kuwatembelea ndugu zake kwa mara nyingine katika kijiji cha Kogelo alikozaliwa baba yake mzazi.

Tayari wananchi wa kijiji hicho wamekwisha anza maandalizi kwa ajili ya kumpokea ndugu yao huyo kutoka nchini Marekani anayetarajiwa kuwasili July 16 mwaka huu.