Mh. Mtolea ameyasema hayo wakati akichangia hoja katika mjadala wa kupitisha Bajeti Kuu ya serikali 2018 / 2019 iliyowasilishwa Bungeni na Waziri wa Fedha na Mipango, Dkt Philip Mpango.
Amesema kabla ya Waziri kuwasilisha Bajeti alizungumzia hali ya uhumi nchi kwamba inazidi kukua lakini kiuhalisia alichokiona yeye kilichoandikwa kina lengo la kuwafurahisha wazungu au Benki ya Dunia ili kuonyesha kuwa serikali ya Tanzania bado ina sifa ya kuweza kukopa.
Mtolea amesema kwamba kitendo cha serikali kudaii kuwa wamewezesha pato la kila mtanzania kuongezeka ni kejeli kwani hicho kiasi kilichoongezeka ni kiasi ambacho hakimpatii mtanzania milo mitatu zaidi ya kwamba itamptia ugali na tembele la kuchemsha.
"Serikali ya CCM inapenda sifa sana ndiyo maana majukwaani utasikia inasema kwamba wamenunua ndege, sijui miradi ya Stigler's Gorge,, Standard Gauge lakini husikii wakisifia kuwa tumewezesha kula ugali na tembele la kuchemsha kwa sababu wanajua kuwa siyo sifa bali ni kejeli kubwa kwa watanzania" Mtolea.
Hata hivyo Mtolea ameongeza kwamba hata kitendo cha serikali kusema umri wa kuishi wa watanzania umeongezeka ni kejeli na kwamba mu kufikisha miaka 64 ni kawaida na siyo ajabu kwa watu wenye maisha duni kutimiza umri huo endapo wataakuwa hawapati magonjwa.
.jpeg)
