Vijana Wana Uwezo wa Kufanya Kazi Nitaendelea Kuwateua- Rais Magufuli

Rais wa Jamhuri ya Muungano wa Tanzania, John Pombe Magufuli ameweka bayana kwamba atakuwa akiendelea kuteua na kuwapa nafasi vijana kwani wana uwezo wa kufanya kazi.


Rais Magufuli ameyasema hayo, leo wakati akipokea gawio la Serikali kutoka Shirika la Simu Tanzania{TTCL} na kuzindua upanuzi wa huduma za TTCL.

Dk. Magufuli amesema kwamba "Vijana wakipewa majukumu wanaweza lakini akitaka kuharibu anaharibu kwelikweli, hii ndo sababu ya kuteua vijana katika nafasi Serikalini, kwa bahati nzuri wengi niliowateua hawajaniangusha ukiondoa wachache".

"Naahidi kuendelea kuwateua katika nafasi mbalimbali.kwaajili ya kufanya kazi"- Rais Magufuli

Pamoja na hayo Dk. Magufulia ameipongeza TTCL kwa kutoa gawio la Bilioni 1.5 ambapo amekiri ni miaka mingi sana imepita toka kampuni hiyo itoe gawio kwa serikali.

"Kuanzia 2001 TTCL haikutoa gawio lolote kwa serikali hata senti 5, lakini baada ya miaka miwili tu leo TTCL imetoa gawio la Bilioni  1.5. Nashindwa kujua tulikuwa tunaibiwa, au hujuma, au utendaji ulikuwa mbaya" Rais Magufuli