Watu 25 Wafariki na Mamia Kujeruhiwa na Mlipuko wa Volcano

GUATEMALA: Takribani Watu 25 wamefariki huku mamia wakijeruhiwa baada ya volkano kulipuka kutoka katika moja ya milima yenye volkano hai duniani, Mlima Fuego(Volcán de Fuego)

Volkano hiyo inarusha mawe, kutoa moshi mweusi na majivu kuelekea angani huku lava inayotiririka kama maji mtoni ikiharibu nyumba na kuunguza watu ndani ya nyumba zao katika kijiji cha El Rodeo

Uwanja wa ndege wa La Aurora uliopa katika jiji la Guatemala umefungwa kutokana na majivu kusambaa angani

Wakala wa Kupambana na Majanga wamesema takribani watu 3,100 waliondolewa katika vijiji vya karibu, na majivu yaliyokuwa yakidondoka yanaleta madhara katika eneo lenye watu takribani milioni 1.7