Jini Kabula 'Sina Kinyongo na Zabibu Kiba Kuolewa na Aliyekuwa Mpenzi Wangu'

MSANII wa filamu za Kibongo, Miriam Jolwa ‘Jini Kabula’ ameibuka na kusema hana kinyongo na mdogo wa mwanamuziki Ally Salehe ‘AliKiba’, Zabibu Kiba anayetarajiwa kuolewa na aliyewahi kuwa mpenzi wake ambaye ni mchezaji wa Timu ya Baroka iliyopo Afrika Kusini, Abdul Banda, zaidi anawa­takia ndoa njema.

Zabibu Kiba

 Akichonga na Za Motomoto News akiwa nchini Oman, Jini Kabula alisema anawashangaa baadhi ya watu wanaomshambulia kwa maneno machafu kwenye mitandao ya kijamii kisa aliwahi kuwa na uhusiano na Banda lakini hawakufanikiwa kuingia kwenye ndoa kitu ambacho ni kawaida tu katika maisha.

“Kwanza nafurahi sana Zabibu kuele­kea kwenye ndoa na Banda nawaombea ifanyike salama na sina kinyongo hata kidogo lakini kuna hawa vizabizabina vya pembeni vinaleta chokochoko na kusema eti nilishindwa kuolewa mimi, niwaambie tu kwamba siyo kila mtu unapokuwa naye kwenye uhusiano lazima muoane hivyo waache kuongea mambo wasiyoyajua,” alisema Jini Kabula.

 Wiki iliyopita, Zabibu alifanyiwa kisomo maalum cha maandalizi ya ndoa ambapo inaelezwa, muda wowote mrembo huyo atafunga ndoa na Banda.

STORI: IMELDA MTEMA