Mahakama Kuu Yatupilia Mbali Maombi ya Kibatala Kesi ya Mbowe na Wenzake Kurudishwa Tena Kisutu

MAHAKAMA Kuu Kanda ya Dar es Salaam, chini ya jaji Rehema sameji imetupilia mbali maombi yaliyowasilishwa  na wakili Peter Kibatala, alioomba shauri la kesi iliokuwa inawakabili mwenyekiti wa chama cha demokrasia na maendeleo (chadema) ambae pia ni Mbunge wa Hai Mh.Freeman Mbowe na viongozi wenzake, ambalo alitaka kuhamishiwa  Mahakama Kuu, na upande wa mahakama kuamua shauri hilo kurudishwa tena kusikilizwa katika mahakama ya kisutu iliyopo jijini Dar es salaam

Ambapo Upande wa mahakama umedai kuwa Hoja za upande wa utetezi hazina mashiko, chini ya kifungu kilichowasilishwa na upande wa tetezi, ambapo mahakama hiyo  imedai kifungu hiko hakipo, mahakama kuu haina uwezo wa kusikiliza kesi iyo, na kutupilia mbali kesi hiyo na kuendelea kusikilizwa tarehe 25 mwezi huu katika mahakama ya hakimu mkazi kisutu.

Mwenyekiti wa chama hicho Mh. Freeman Mbowe wanakabiliwa na mashtaka mbali mbali pamoja na wenzake ambayo yalisababisha uharibifu na kifo cha mwanafunzi akwillina mnamo mwezi wa pili mwaka huu 2018.

Pia Bulaya na wenzake wanakabiliwa na shtaka la kufanya mkusanyiko usio halali kinyume na sheria Februari 16, katika barabara ya Kawawa eneo la Mkwajuni wilayani Kinondoni Jijini Dar es Salaam; kutotekeleza agizo la polisi lililowataka kutawanyika na kusababisha kifo cha Akwilina Akwilini, aliyekuwa mwanafunzi wa Chuo cha Taifa cha Usafirishaji (NIT) na kujeruhiwa askari wawili. Bulaya ambaye yupo nje kwa dhamana anakabiliwa na shtaka la peke yake akidaiwa kushawishi kutendeka kosa la jinai.
Washtakiwa wengine ni Mbunge wa Iringa Mjini, Peter Msigwa; Naibu katibu mkuu (Zanzibar), Salum Mwalimu; N aibu katibu mkuu (Bara) na mbunge wa Kibamba, John Mnyika; mbunge wa Tarime Mjini, Esther Matiko; katibu mkuu wa Chadema, Dk Vincent Mashinji; mbunge wa Kawe, Halima Mdee; na mbunge wa Tarime Vijijini, John Heche.