Muna Akwamisha Msiba wa Mwanaye Aondoka Huku Mwili wa Patrick Ukizuiwa Airport

KUFUATIA msanii wa Bongo Movie, Rose Alphonce ‘Muna Love’ kuondoka Uwanja wa Ndege wa Kimataifa wa Julius Nyerere jijini Dar es Salaam bila mwili wa mwanaye Patrick, na mamlaka ya uwanja huo kuzuia mwili kutoka, baba mdogo wa marehemu, Bazo Komu amesema sababu ni Muna kuondoka na nyaraka zitakazosaidia mwili kuchukuliwa uwanjani hapo.



Akizungumza katika uwanjani hapo, Bazo amesema hilo limetokea baada ya mwanamama huyo kupoteza nguvu baada ya kushuka uwanjani hapo na wao kumuingiza kwenye gari pasipo kukumbuka kuchukua nyaraka hizo muhimu.



Aidha, Bazo ameweka wazi kwamba hakuna tatizo lingine ambalo lingesababaisha wao kushindwa kuuchukua mwili wa mtoto kwa kuwa mambo yote yalishapangwa na hakuna tafrani yoyote inayoendelea kuhusiana na mtoto wapi akazikwe.



“Hakuna tatizo lolote, wala hapakuwa na makubaliano ya mtoto azikwe wapi kwa sababu tunajua mama ni nani na baba ni yupi. Kitu kilichotokea ni kwa sababu wote tumemuona Muna hali yake ilivyo. Ameshuka hajiwezi, imebidi ashikiliwe ili aweze kutembea. Tumejisahahu kuzichukua hizo dokumenti baada ya kumuingiza kwenye gari. Na kwa hali ya kawaida huwezi kuingia kwenye pochi ya mwanamke kukagua” amefafanu Bazo.



Ameongeza, “Kwa sasa tunafanya utaratibu wa kujua jinsi gani hizo dokumenti zitafika hapa ili tuweze kuuchukua mwili wa mtoto tuweze kuendelea na taratibu zingine.“