Staa Mwingine wa Tanzania Apata Ulaji Spain

Taarifa njema inazidi kutawala katika soka la bongo kufuatia taarifa kuwa soka la Tanzania linazidi kutoa wachezaji wake nje ya mipaka ya Afrika na kwenda kucheza soka la kulipwa Ulaya.

Habari zilizokiki leo kuhusiana na mshambuliaji wa Azam FC Shaban Iddi Chilunda ni kuwa amefanikiwa kusaini mkataba wa miaka miwili wa kuichezea club ya CD Tenerife ya Hispania inayocheza Ligi daraja la kwanza nchini humo (Segunda Division).

Kama utakuwa unakumbuka vizuri Chilunda sasa anaungana na mtanzania mwenzake Farid Musa ambaye alijiunga na club ya CD Tenerife miaka kadhaa iliyopita na amedumu nayo hadi leo hii.