Zikiwa zimebaki siku saba kufanyika kwa uchaguzi wa kiti cha ubunge jimbo la Buyungu mkoani Kigoma Mbunge wa jimbo la MtamaNape Nnauye ametua kwenye kampeni za hizo na kutangaza kiama kwa wapinzani akieleza kuja na ushindi wa mgombea ubunge wa CCM katika jimbo hilo Christopher Chiza.
Nape amesema kuwa takwimu za tathmini ya maendeleo ya kampeni jimboni Buyungu zinaonyesha kuwa CCM inaongoza kwa mvuto miongoni kwa wapiga kura na kwamba huenda chama hicho kikashinda kwa zaidi ya asilimia 70.
Nape amewataka viongozi wa vyama vya upinzani na wagombea wao kuzungumza kwa takwimu wanapoeleza mafanikio ya mambo yaliyofanywa na wabunge wao badala ya kupiga makelele na kuwadanganya wananchi na kwamba wakati wa wapinzani kupiga kelele na kudanganya wananchi umekwisha.
.jpg)
