Vanessa Mdee Aipatia Solar Arusha Girls Sec

Mwanamziki Maarufu nchini Vanessa Mdee kwa kushirikiana na Kampuni ya Sola ya Zola wameikabidhi sola kwa shule ya Arusha Girls ili kuwasaidia wanafunzi kuweza kujisomea na kukabiliana na changamoto ya umeme kukatika .

Upatikanaji wa msaada huo ni matunda ya ziara ya kimuziki ya Msanii Vannesa Mdee na Juma Jux inayojulikana kama In love and money   walipotembelea Shule ya wasichana ya kidato cha sita ya Arusha,  (Arusha Girls)  ambapo wanafunzi waliwaeleza kashindwa kujisomea pindi umeme unapokatika.

Vanessa Mdee amesema kuwa anafurahi kuwa sehemu ya mabadiliko kwa kuhakikisha kuwa wanafunzi wanapata huduma hiyo muhimu ya sola inayowawezesha kusoma kwa bidii na kutimiza ndoto zao.

Eric Donacian  ni Mkurugenzi  wa Kampuni ya Zola ambayo imetoa Msaada wa Solar Hizo, anasema itaondoa kero Pindi umeme ukikatika, huku wanafunzi wakibainisha kuwa kuna wakati walikuwa wakishindwa kujisomea Pindi umeme unapokatika

Mkuu wa Shule Arusha Girls Mwasiti Kinyau ameshukuru kwa kupata msaada huo ambao utasaidia kuboresha hali ya taaluma  katika shule hiyo.

Mkuu wa Wilaya ya Arusha Gabriel Daqqaro amesema kuwa serikali kwa kushirikiana na wadau wa maendeleo  wataendelea kutatua Adha Hizi ili kuhakikisha Elimu iliyokusudiwa kwa Mtoto wa kike Inatimia.