Vazi Hili la Lina Lawatoa Povu Mashabiki..... Mwenye Adai ni Sehemu ya Kazi

Msanii wa Bongo Fleva, Linah Sanga maarufu kama 'Ndege Mnana' amedai hajaona kitu cha msingi kilichowafanya mashabiki zake kumkashifu na kumtukana mitandaoni, juu ya nguo yake kwa kuwa ile ni sehemu ya kazi inayomuingizia riziki.



Linah amebainisha hayo alipokuwa anazungumza na www.eatv.tv hii leo, baada ya kivazi chake kuzua taharuki kubwa kwenye mitandao ya kijamii, kwa kile kinachodaiwa na mashabiki wa mwanamuziki huyo anawaaibisha wanawake wenzake kwa kuvaa nguo za nusu utupu na kuziweka hadharani bila ya hofu.

"Kwa kweli sijapitia comment yoyote katika Instagram, kwasababu sina kawaida hiyo ila kwa upande wangu mimi naona ile picha ni ya kawaida tu kutokana ni sehemu ya kazi yangu. Shabiki yeye anahaki ya kusema chochote, wapo watakaosifia na wengine wataponda", amesema Linah.

Pamoja na hayo, Linah ameendelea kwa kusema "hata ningefanya kitu kizuri wapo watasema ni kibaya kwa hiyo kwa upande wangu naona ni sehemu ya kazi yangu, kutukanwa na kusemwa ni kitu cha kawaida".



Hii ndio 'post' iliyowafanya watu watokwe na maneno dhidi yake.

Katika siku za hivi karibuni hii ni mara ya kwanza kwa mwanadada huyo kuzua taharuki mitandaoni kwa picha yake ambayo imetoa taswira tofauti, licha ya yeye mwenyewe kuwahi kukiri katika moja ya mahojiano na kipindi cha KIKAANGONI, kuwa anafanya makusudi kuvaa nguo za nusu utupu 'fupi', akiwa kwenye 'show' ili aweze kuwapagawisha watoto wa kiume walioko katika tamasha ambalo anashiriki.