Bright Amkana Binti wa Rais

NA ISMAEL MOHAMED
Msanii wa muziki wa kizazi kipya, Bright amefunguka na kumkana Brandy ambaye ni binti wa Rais wa muziki wa dance bongo, Nyoshi Al-Sadati kuwa hana mahusiano naye ya kimapenzi, na kudai kilichopo baina yao ni urafiki nasio jambo jingine.

Bright amebainisha hayo alipokuwa anazungumza kwenye kipindi cha PLANET BONGO 'PB' ya  East Africa Radio muda mchache kabla ya kutambulisha ngoma yake mpya ya 'king'asti' aliyoiachia mchana wa leo.

"Sina mahusiano ya kimapenzi na mtoto wa Nyoshi, yule ni rafiki yangu tu. Nimefahamiana naye kipindi nilipoambiwa amechora tatoo yenye jina langu kwenye bega lake kipindi hicho nipo zangu Ifakara", amesema Bright.

Pamoja na hayo, Bright ameendelea kufafanua baadhi ya mambo kuwa "hakuna mimba yoyote, mimi na yeye ni washkaji tu lakini kama yeye anaongea huko pembeni pembeni tutakuja kuona mwisho wake, kwasababu mimba haifichiki lakini hakuna kinachoendelea baina yetu na wala sijawahi kuonana na mzee wake licha ya mimi kumfahamu mzee Nyoshi".

Kauli hiyo ya Bright imekuja baada ya kupita siku chache tokea Brandy kutangaza hadharani kupitia kamera za eNewz, kuwa yupo katika mahusiano ya kimapenzi na kijana huyo na huku akisisitiza wanatarajia kupata mtoto katika siku zijazo (kuwa mjamzito).