Wachezaji Wawili Yanga Kuikosa Mechi Dhidi ya Singida

Kuelekea mechi dhidi ya Singida United Jumapili ya wiki hii, timu ya Yanga itawakosa wachezaji wawili ambao ni majeruhi.

Wachezaji hao ni Juma Mahadhi na Baruan Akilimali watakosekana kwenye mechi hiyo yenye msisimko wa aina yake haswa pale timu hizo zinapokutana.

Uongozi wa Yanga umesema kuwa wachezaji hao wanauguza majeraha yao na sasa wanaendelea na matibabu ili kujiweka fiti kwa ajili ya mechi zijazo.

Aidha Yanga itamkosa beki wake tegemeo na Nahodha, Kelvin Yondani kutokana na kuwa na kadi tatu za njano.

Yondani atakuwa anatumikia adhabu hiyo ambapo atakuwa anautazama mchezo dhidi ya walima alizeti wa Singida akiwa jukwaani.