Mashabiki wake tupo katika mtanziko juu ya nani atamfunga paka kengele? Siyo kwamba hatuna midomo wala sauti ya kwenda kumwambilia bali ni hofu ya kwenda kupuzwa na kudharaulika. Ni nani aliyetayari kwenda kupuuzwa na kudharauliwa pale atakapopanua mdomo wake kumwambia ukweli Ali Kiba? Nani?
Jamaa kiburi kimemjaa pamoja na dharau kifupi ana "talent arrogance". Ameaminishwa ana sauti nzuri nchi nzima akaamini, ameaminishwa kuwa mashabiki wanampenda sana kuliko msanii yeyote akaamini, ameaminishwa ndiye msanii mwenye kipaji nchini akaamini. Amepanda cheo ametukalia juu ya mabega anaruka sarakasi bila kujali mashabiki tunaumia.
Anatumia sifa kibao tulizompatia kutudengulia, nyimbo anatoa akijisikia pengine kwa mwaka mara moja pale asikiapo kuna fiesta imekaribia au imeanza.
Hata anavyohojiwa anavyojibu ukimsikiliza utayaona dhahiri majivuno yake na kujisikia. Ni mara chache utamsikia akishukuru mashabiki wake ni kama msanii asiyejali hisia za mashabiki.
Juzi ameachia wimbo wa " Hela" mashabiki tukajitolea kumwambia ukweli akaiondosha YouTube kuepuka maneno makali leo ameirudisha anasema hakuiondoa eti amehujumiwa? hii maana yake nini?
Maana yake hajali maoni ya watu kuwa ni wimbo mbaya anataka kufuta idea kuwa ameiondoa baada ya mashabiki kulalamika na hofu ya wimbo kudoda?
Ali Kiba amekuja na timu ya vijana ambao kwa kuwaangalia tu vipaji vyao ni vya kuvuta na kamba anaita lebo? Amewatoa wapi hao vijana na kwa vigezo gani? Wana vipaji au kipaji pekee ni kuiga sauti ya kiba kama walivyofanya kwenye huu wimbo wao mpya wa "mwambie sina"?.
Kamleta Abdul Kiba kwa kipaji kipi au undugulizasheni? Yaleyale ya diamond na kina Romy Jones?
Ali Kiba siyo kwamba haambiwi bali haambiliki, hata management yake ameiweka kiganjani haisikilizi kwa lolote.
Mashabiki tunajiuliza tumtume nani atakayesikilizwa? Tumtume nani ambaye hatabezwa na kupuuzwa? Nani mwenye kibali machoni pa Kiba aende akamwambie Ali Kiba kuwa asijione amefika safari bado na anatuhitaji mashabiki kuliko tunavyomhitaji. Nani akamwambie Ali Kiba awe serious japo kidogo, amwambie muziki ni ushindani na ushindani siyo dhambi? Nani akamwambie Ali Kiba kuwa siku tukimpa kisogo atapata tabu sana, nani akamwambie siku tukimpa mgongo hatutarudi tena kutakuwa hakuna namna bali kuungana na akina Q chillah ambao kila wimbo wakitoa unadoda, kuungana na akina belle 9 na Z. Anto nani tumtume?
Tumtume nani?
.jpg)
